jájá...ég er ekkert neinn bloggsnilli, það vissuð þið alltaf!

nú er maður bara byrjaður í skólanum aftur og að koma sér úr þessum jólafrísfílíng, það gengur erfiðlega...einhverra hluta vegna finnst mér eins og ég eigi bara að vera inni að hjúfra mig undir teppi fyrir framan imbann með konfekt!

það er ótrúlega mikill snjór úti! það hefur ekki verið svona mikill snjór hérna síðan við fluttum til montreal...mig langar að prófa nýju skíðabuxurnar mínar úti á svölum, bara demba mér út í snjóhrúguna og velta mér um, það hlýtur að vera gaman.

ég er búin að velja mér tvö sænsk lög til að læra á næstu vikum, fannst það tilheyrandi verandi skandinavi. lögin heita "visa från utanmyra" og "att angöra en brygga" og eru bæði tvö mjög hefðbundin lög sett í djasslegt form.

við tommi vorum að horfa á "how do you like iceland" áðan og fannst það afskaplega áhugavert. ég held að það sé gott fyrir alla íslendinga að sjá þetta. ísland hefur náttúrulega sína kosti og galla en íslendingar vilja oft ekkert viðurkenna að þeir hafi nokkra galla. þarna er t.d talað illa um íslenskan arkitektúr...fólk sem fór niðrí bæ og bara fann ekki eitt fallegt hús! það verður gaman að sýna vinum okkar héðan þessa mynd...

annars átti maggi bró afmæli um daginn...á þrettándanum. við hjá stinastud.com óskum honum til hamingju með það. :-)