héðan er ekki mikið að frétta þessa stundina...næstu tónleikar eru ekki fyrr en 16. júlí og þangað til er ekki mikið planað. ég þarf jú að æfa mig og ætla að taka upp einhver lög þannig að ég hef í sjálfu sér nóg að gera.

sumarblíðan er algjör hér. næstu daga er spáð sól og blíðu og síðustu daga hefur verið sól og blíða. ég er búin að nýta svalirnar ágætlega en á alltaf eftir að kaupa blóm til að setja þarna og gera huggulegt. svona er maður latur!

ég sit núna og bíð eftir pípara sem ætlar að gera við vatnsúttakið sem fer í þvottavélina. alltaf gaman að bíða. eða þannig.

það er komið vídeó á heimasíðuna hjá francescu og hægt að sjá augnablik í mig og lamiu ef þið hafið áhuga. það er líka hægt að heyra tónlistina. :-)

ég átti alltaf eftir að segja frá afmæli eiginmannsins sem var fyrir nokkrum dögum. ég hef bara verið svo upptekin eitthvað og lítið verið að blogga á meðan mamma og pabbi voru í heimsókn.
eeeeeeeeeeeníveiis.
við mamma fórum í bakaríið hérna í atwatermarkaðnum snemma um morguninn áður en tommi vaknaði og keyptum alls konar kræsingar, þar á meðal tvær kökur sem voru guðdómlegar. við borðuðum morgunmatinn saman og tommi fékk afmælispakka...húsbóndastól að eigin vali. :-) um kvöldið fórum við svo út að borða á svakalega góðan veitingastað sem heitir chez l'epicier og er í gamla bænum. við fengum okkur líka göngutúr í gamla bænum í góðu veðri og sáum alls kyns fólk og skemmtilegheit. inni á veitingastaðnum sáum við frank bielec sem er einn af hönnuðunum í trading places þáttunum í ameríku. ógisslega frægur!
þegar við komum heim fengum við okkur kökur, ís og ávexti og nutum þess til hins ýtrasta! namminamm.

ég ætti kannski að gá hvort ég eigi einhverjar myndir...jú never nó.

britta á afmæli í dag!

til hamingju litla systir og hafðu það nú gott í dag. þú ferð bara að ná mér í aldri...hehehe...ég er sko bara 25 sjáðu til. :-)

tónleikarnir báðir gengu bara þrusuvel. mamma og pabbi og tommi komu á seinni tónleikana og skemmtu sér bara ágætlega held ég. þetta var pínulangt í burtu en ágætt að taka bara smá bíltúr og sjá aðeins meira en bara miðbæinn hérna. báðir tónleikarnir voru eiginlega æfing fyrir það sem koma skal...næst verðum við á risasviði úti og líkur á að tíu þúsund manns komi að hlusta. það er bara stuð!
það var alveg frábært að hafa mömmu og pabba hérna í heimsókn, mikið slappað af bara og haft það huggulegt. við fórum líka í gala dinner hjá alþjóðaflugmálastofnunareitthvaðdóti þar sem við tommi vorum beðin um að syngja og spila nokkur íslensk lög. mömmu og pabba var bara boðið með og við mættum þarna fjögur í fínustu fötunum okkar, fengum gott að borða og spiluðum smá tónlist. mamma var nú að grínast með það að þau væru bara grúppíurnar okkar...eltandi okkur útum allt að spila...hahaha.
í dag var ég svo að syngja með francescu og trommuhópi á einhverri kynningu fyrir trommu- eða ásláttarhátíð sem verður haldin hérna í júlí. þetta var nokkurs konar fjölmiðlafundur þar sem teknar voru myndir og vídeó og spurðar spurningar og svoleiðis. við sungum svo og spiluðum eitt lag við góðar undirtektir og fengum okkur svo gos og snittur. góð síðdegisskemmtun það! ég endaði svo daginn á því að fara á æfingu með tomma og hljómsveitinni hans...aldrei nóg af góðri tónlist! :-)

Tommi Gunn á afmæli í dag! Til hamingju elskan.

gamla settið mætir á pleisið á morgun!

það verður gaman að fá þau í heimsókn...pabbi hefur aldrei komið hingað og mamma var hérna síðast í brúðkaupsundirbúningi með mér. ég er svona að reyna að koma öllu upp úr kössum áður en þau koma en það gengur bara of hægt og mikið eftir. ojæja, það verður bara að hafa sig.

tónleikarnir í síðustu viku gengu bara vel. næstu tónleikar verða á föstudaginn og svo á laugardaginn þá spilum við tommi í einhverjum dinner hjá alþjóðaflugmálastofnun, púff langt orð. það verður stuð!

við tommi erum orðnir meðlimir í heilsuræktarstöð niðrí bæ og ég ætla að reyna að vera dugleg að fara í pilates og yoga og svoleiðis. í dag fór ég í mælingar alls konar og myndatöku til að láta greina líkamsstöðuna. tommi mætti víst stuttu á eftir mér og var að lyfta með mölder (sumsé david duchovny)...þeir bara hinir bestu félagar. hehehe...

britta var að senda mér myndir frá gæsastuði frá því í fyrra...hér eru nokkrar myndir:

ég krýnd
perrinn
myndarlegu lúðarnir
dömur og prinsessuterta
dömuboð
litla systir í stuði

í kvöld verða fyrstu tónleikarnir með henni francescu. við förum til louiseville á eftir og sándtékkum og komum öllu í stand. svo kemur sjónvarpið (radio canada) og tekur einhverjar myndir af okkur á æfingunni að ég held. hún francesca er sjálf búin að vera í útvarpsviðtölum undanfarið og eitthvað er búið að auglýsa þetta líka. næstu tónleikar verða svo 10. júní og smá séns á að mamma og pabbi verði viðstödd þá.
hún francesca söng í alegria, sem er sýning hjá "cirque du soleil" og diskurinn með sándtrakkinu hefur selst í meira en 100þús eintökum í kanada! hún gaf líka út einhverja plötu fyrir einhverju síðan sem hét sama nafni og hún og seldist í meira en 75þús eintökum. sumsé alvöru pró á ferðinni!
ég set kannski inn myndir seinna ef ég fæ leyfi til þess..hehehe...

ciao