GLEÐILEGA PÁSKA!

föstudagurinn langi hefur yfirleitt verið ógurlega leiðinlegur dagur. hann ætlar aldrei að enda og svo virðist sem nammiþörf og almenn verslunarþörf magnist upp úr öllu valdi þennan eina dag ársins, akkúrat þegar allt er lokað (nema þessi eina eða tvær sjoppur). það er ekki sami bragur á hér í kanada. búðir eru almennt opnar og fólk yfirleitt í hátíðarskapi, fegið yfir því að fá langa helgi svona þegar farið er að vora. hér heitir þetta heldur ekki föstudagurinn langi heldur "good friday". ég er að hugsa um að tileinka mér bara þetta viðhorf...að þetta sé föstudagurinn góði. föstudagar eru nú yfirleitt góðir en ætli maður reyni ekki bara að hafa þennan alveg sérstaklega góðan. :-)

nú fer að líða að tónleikunum mínum. ég er ofsalega spennt að fá að syngja ein en enn betra er að tommi ætlar að spila undir hjá mér í tveimur lögum. við ætlum að flyja tvö íslensk lög, kennaranum mínum fannst það svo afskaplega sniðugt og ég er bara ánægð ef ég fæ að syngja fleiri lög. jess!

jæja, búin að liggja í leti í allan dag þó að ég hafi ekki mátt vera að því. ég bara nenni engu í dag. er það ekki bara allt í lagi?

við hjónin erum að mausa við að fjárfesta í íbúð en ég ætla ekki að setja inn neinar myndir eða yfirlýsingar fyrr en allt er klappað og klárt. vonandi verður það sem fyrst. :-)

kisan er ennþá í roknastuði hérna hjá okkur. ég er bara hrædd um að hún verði orðin alltof æst þegar hún fer aftur til eigendanna, við erum nefnilega alltaf að leika við hana með gervimúsum, bandi, bréfum og tilheyrandi og á hún það til að tjúllast alveg og skoppa um allt með kryppu. hmm...

ég syng á tónleikum 31. mars...og í þetta skiptið einsöng. loksins!
allir að mæta sem geta, oscar peterson hall klukkan átta. jíha.

hér er ennþá of kalt fyrir minn smekk. ég bíð óþreygjufull eftir vorinu. mér er sagt að vordagurinn fyrsti sé á morgun. miðað við spána var einhver að ljúga því að mér. fjandakornið!

páskarnir eru eftir viku og ég er ekki búin að panta eða láta senda mér nóa páskaegg. stress! ætli við verðum ekki bara að láta okkur nægja lindt páskakanínur og reyna að troða heimatilbúnum málsháttum í þær einhvern veginn. heh.

mábarekkiveraððíaðblogga

of mikið að gera í augnablikinu. próf í dag í söng og verkefnaskil. svo erum við að vesenast heima fyrir líka, stúss og ýmislegt. segi betur frá því seinna. bíðið spennt!

peace

já og ég vil líka koma því á framfæri að google er búið að launcha nýrri desktopleit. hana má finna hér... ég mæli með því að fólk tékki á plög-inum líka, íslendingar eru að ná heimsyfirráðum! hehehehe

það er ennþá vetur í montreal og ég er orðin óþolinmóð!
hvar er vorið? það bólar ekkert á því og veðurspáin fyrir vikuna er bara frost, snjór og meira frost. fnus!
og vorvörurnar eru komnar í búðir en ekki séns að klæðast þeim í þessum kulda. hálfkjánalegt að ganga framhjá búðagluggum með stuttum pilsum og vorlegum stuttermabolum þegar maður er sjálfur í dúnúlpu með húfu.

kisan er bara í stuði hérna hjá okkur. hún kurrar og hrýtur og kelar við tomma eins og hún eigi lífið að leysa. ég held að hún sé að reyna við hann. don't mess with my man pussycat!

ég minni fólk á alþjóðakvennadaginn á morgun. allir að vera æðislega miklar konur...koooonur...

stína stendur sig ekki í blogginu!

ojæja. ég var líka í prófi í gær og þurfti að læra slatta fyrir það...og svo fer ég í próf á fimmtudaginn líka. alltaf próf hjá mér!

ég horfði á óskarsverðlaunaafhendinguna og fannst kjólarnir margir hverjir æðislegir. beyonce var í svakalegum múnderingum...en mér fannst þessi lög sem hún söng frekar leiðinleg...alltof commercial formúlulög fyrir minn smekk. svo var ég mjög ánægð með að ryan skyldi vinna best short film (animated) af því að hann er kanadamaður og nefndi montreal í ræðunni sinni. ég var líka ánægð með að Cate Blanchett skyldi vinna af því að hún var æðisleg í the aviator. ojé.

ég er að skrópa í skólanum...bara fékk mig ekki í að fara í skólann í dag. dónt nó væ. það koma bara stundum svona dagar. svo erum við líka komin með kisu í pössun. þau jóhanna og jói eru nefnilega farin suður á bóginn og við fáum hana myllu í heimsókn á meðan. mér finnst bara mjög huggulegt að vera með litla kisu hér í heimsókn. ég vona bara að henni finnist það líka huggó!