jæja...þetta rafmagnsleysisdjók er ekkert fyndið lengur. rafmagnið á það til að detta út í nokkrar mínútur af og til hérna á clarke. heimasíðan dettur náttúrulega niður á meðan og svo tekur hellingstíma að registrera hana aftur. déskotinn!

hmmm...hef ekkert bloggað í næstum tvo daga, jahérna. hmm...sko...á sunnudagsmorguninn ákváðum við að fara út í "smá" göngutúr að skoða nýju íbúðina og taka myndir af húsinu og umhverfinu. það gerðum við og tókst bara nokkuð vel. svo fannst okkur rosalega sniðugt að ganga kannski meðfram ánni svona áleiðis niður í bæ. við gengum eitthvað áleiðis og komum við í kanadadekkinu og keyptum batterí. svo ákváðum við að elta hjólastíg sem við héldum að væri ofsalega sniðugt en enduðum á miðri hraðbraut í iðnaðarhverfi!!! okkur leist nú ekki á blikuna og ég orðin dauðþreytt í fótunum og stressuð á því að vera þarna umkringd rosaumferð. við hittum þar einn gamlan mann, spurði hann og sagði svo:
Hvar áttu heima?
Ég á heima á Klapplandi, Klapplandi,
Klapplandi.

neinei, smá djók en við spurðum hann allavega hver væri stysta leiðin niðrí bæ. hann benti okkur á að koma okkur yfir hraðbrautina framundan og sneiða í gegnum einhvern "car park". við tókum hann á orðinu og drifum okkur yfir hraðbrautina og gengum svo lengi vel og pissuðum á leiðinni...hehh...þangað til við komum að allsherjarhraðbrautagatnamótum. ekki urðum við par hrifin af því. klifruðum framhjá einhverjum brúarstólpum og náðum að smeygja okkur inn á umferðareyju með grasi. eftir smá labb sáum við fyrsta merki siðmenningar í laaaaaangan tíma, gangbraut! jess! loksins sáum við fólk á gangi og hlaupum og eltum það náttúrulega. gengum eftir stíg meðfram kornverksmiðju eða hvað það nú heitir, krönum og lyfturum, undir hraðbrautina, yfir kanalinn og inn í gömlu höfnina. þá vorum við búin að ganga í kannski þrjá og hálfan tíma! við gengum svo í gegnum gamla bæinn og niður á st. catherine (laugavegurinn), fengum okkur subway og tókum svo leigubíl niðrí verdun þar sem við sáum "jesus christ superstar". ég lauk svo deginum með því að fá ofboðslega slæman hausverk sem entist mér alveg þangað til í dag!!!